Special Projects
Pretheeksha
Project Status:
ശാരീരിക മാനസിക വെല്ലുവിളികള്‍ നേരിടുന്ന കുട്ടികള്‍ക്ക് വേണ്ടി "പ്രതീക്ഷ" പദ്ധതി
നമ്മുടെ ജില്ലയില്‍ പലവിധത്തിലുള്ള ശാരീരിക - മാനസിക വൈകല്യങ്ങള്‍ അനുഭവിച്ച് കൊണ്ട് വളരെ പ്രയാസത്തിലും ദുരിതത്തിലും ജീവിക്കുന്ന ഒട്ടേറെ കുട്ടികളുണ്ട്. ബുദ്ധിമാന്ദ്യം, സെറിബ്രല്‍ പാള്‍സി, ഡൊണ്‍സ് സിന്ഡ്രോം, ഓട്ടിസം, ശ്രാവണ - സംസാര വൈകല്യങ്ങള്‍, സാരമായ അംഗവൈകല്യങ്ങള്‍ തുടങ്ങിയ അവസ്ഥകളാല്‍ ദീര്‍ഘകാലം ദുരിതമനുഭവിക്കുന്ന ഈ കുട്ടികളെ പരിചരിക്കുക രക്ഷിതാക്കള്‍ക്കും ഏറെ ശ്രമകരമാണ്. സ്പെഷ്യല്‍ സ്കൂളിലേയോ മറ്റ് ഏതെങ്കിലും വിദ്യാഭ്യാസ സ്ഥാപനങ്ങളിലേയോ സൌകര്യങ്ങള്‍ അപ്രാപ്യമായ കുട്ടികള്‍ക്കും അവരുടെ രക്ഷിതാക്കള്‍ക്കും ഒരു ആശ്വസ കേന്ദ്രമാണ് പ്രതീക്ഷ ഡെ കെയര്‍ സെന്റര്‍. ഇന്ത്യയില്‍ ആദ്യമായിട്ടാണ് ഇത്തരത്തിലുള്ള ഒരു പദ്ധതി ആവിഷ്കരിക്കുന്നത്. നിലവിലുള്ള അവസ്ഥയില്‍ നിന്നും മെച്ചപ്പെടുന്നതിനും നിലവിലുള്ള അവസ്ഥ മോശമാവാതിരിക്കുന്നതിനും ഈ കുട്ടികള്‍ക്കും രക്ഷിതാക്കള്‍ക്കും നിരന്തരമായ ശാസ്ത്രീയ പരിശീലനം ലഭിക്കേണ്ടത് ആവശ്യമാണ്. ശാസ്ത്രീയമായ പരിശീലന രീതികള്‍ അനുവര്‍ത്തിക്കുന്ന ഒരു ഡെ കെയര്‍ സെന്ററിലെ പരിശീലനത്തിലൂടെ ഇവരുടെ ജീവിത നിപുണത വര്‍ദ്ധിക്കുകയും ഒപ്പം തന്നെ രക്ഷിതാക്കള്‍ക്ക് നിശ്ചിത സമയമെങ്കിലും വിശ്രമം ലഭിക്കുയും ചെയ്യും. എന്നാല്‍ ഇത്തരം സെന്ററുകളുടെ ലഭ്യതക്കുറവും യാത്രാ ക്സേശവും ദാരിദ്ര്യവും അറിവില്ലായ്മയും നിമിത്തം പല കുുട്ടികള്‍ക്കും ഈ സേവനങ്ങള്‍ ലഭിക്കുന്നില്ല. ഇവരില്‍ പല കുട്ടികള്‍ക്കും ഫിസിയോ തെറാപ്പിയും മരുന്നുകളും ഉപകരണങ്ങളും ലഭ്യമാക്കേണ്ടതുണ്ട്.
ഒരു ഗ്രാമ പഞ്ചായത്തിലെ നിലവിലുള്ള ഒരു സ്കൂളിലെ സ്ഥല സൌകര്യം (ആയതിന്റെ അഭാവത്തില്‍ അനുയോജ്യമായ ഒരു കെട്ടിടം) പ്രയോജനപ്പെടുത്തി ഒരു ഡെ കെയര്‍ സെന്റര്‍ സ്ഥാപിക്കുകയും ഈ കേന്ദ്രങ്ങളില്‍ കുട്ടികളെ എത്തിക്കുന്നതിന് വേണ്ടിയുള്ള യാത്രാ സൌകര്യവും പരിശീലനത്തിന് വേണ്ടിയുള്ള സൌകര്യങ്ങളും ഒരുക്കുകയും ചെയ്യുക വഴി ദുരിതമനുഭവിക്കുന്ന ഈ കുട്ടികള്‍ക്കും രക്ഷിതാക്കള്‍ക്കും വിവിധ സേവനങ്ങള്‍ ലഭ്യമാക്കുകയാണ് ലക്ഷ്യം. ബ്ലോക്ക് പഞ്ചായത്തിന്റെയും ജില്ലാ പഞ്ചായത്തിന്റെയും സഹകരണം, ജില്ലാ പഞ്ചായത്തിന്റെ നേതൃത്വത്തില്‍ രൂപീകരിച്ചിട്ടുള്ള പ്രതീക്ഷ പദ്ധതിയുടെ സാങ്കേതിക സഹായം, സര്‍വ്വശിക്ഷാ അഭിയാന്‍ പദ്ധതിയുടേയും സാമൂഹ്യ ക്ഷേമ വകുപ്പ്, ആരോഗ്യ വകുപ്പ് എന്നിവയുടെ സഹായം സംയോജിപ്പിച്ച് കൊണ്ടുള്ള ഈ പദ്ധതി ശാരീരിക മാനസിക വെല്ലുവിളികള്‍ നേരിടുന്ന കുട്ടികള്‍ക്കും കുടുംബങ്ങള്‍ക്കും വലിയ രീതിയില്‍ ആശ്വാസം പകരും.
ലക്ഷ്യം
- മാനസിക ശാരീരിക വെല്ലുവിളികള്‍ നേരിടുന്ന കുട്ടികളെ കണ്ടെത്തല്‍. അവര്‍ക്ക് ഗ്രാമ പഞ്ചായത്ത് തലത്തില്‍ ഡെ കെയര്‍ - പുനരധിവാസ സംവിധാനം ആരംഭിക്കല്‍.
- ഇത്തരം കുട്ടികള്‍ക്ക് മരുന്നുകളും മറ്റ് ഉപകരണങ്ങളും ലഭ്യമാക്കല്‍.
- ഇത്തരം കുട്ടികളുടെ രക്ഷിതാക്കളുടെ കൂട്ടായ്മ രൂപീകരിക്കലും അവര്‍ക്ക് തുടര്‍പരിശീലനം ഉറപ്പുവരുത്തലും.
- ഈ കുട്ടികളേയും കുടുംബങ്ങളേയും സാഹായിക്കുന്നതിന് സന്നദ്ധമായിട്ടുള്ള സന്നദ്ധ പ്രവര്‍ത്തകരുടെയും വിവിധ സര്‍ക്കാര്‍ വകുപ്പുകളുടെയും ഏകോപനം സാധ്യമാക്കി സാമൂഹ്യക്കൂട്ടായ്മകള്‍ ഉണ്ടാക്കുക.
- ഇത്തരം കുട്ടികളുടെയും രക്ഷിതാക്കളുടെയും സാമൂഹിക പിന്നോക്കാവസ്ഥ മാറ്റി എടുത്ത് മുഖ്യധാരയിലേക്ക് കൊണ്ട് വരിക.
ഗുണഭോക്താക്കള്‍
ഗ്രാമ പഞ്ചായത്തിന്റെ പരിധിയിലുള്ള ശാരീരികവും മാനസികവുമായ വെല്ലുവിളികള്‍ നേരിടുന്ന കുട്ടികളും അവരുടെ കുടുംബവും.
പ്രവര്‍ത്തനങ്ങള്‍
- ഗുണഭോക്താക്കളെ കണ്ടെത്തല്‍ (ഗ്രാമ പഞ്ചായത്ത് മെമ്പര്‍മാര്‍, അംഗന്‍വാടി വര്‍ക്കര്‍മാര്‍, ആശ പ്രവര്‍ത്തകര്‍, പാലിയേറ്റീവ് വളണ്ടിയര്‍മാര്‍ തുടങ്ങിയവര്‍ മുഖേന അര്‍ഹരും ആവശ്യകരുമായ ഗുണഭോക്താക്കളെ കണ്ടെത്തുക.
- ഡെകെയര്‍ സെന്ററിനാവശ്യമായ സ്ഥലസൌകര്യം കണ്ടെത്തുക.
- സ്ഥലം സൌകര്യ പ്രദമാക്കുന്നതിനാവശ്യമായ അറ്റകുറ്റപ്പണികള്‍ നടത്തുക.
- ആവശ്യമായ ഫര്‍ണ്ണീച്ചറുകളും ഉപകരണങ്ങളും വാങ്ങല്‍.
- ആയമാരെ കണ്ടെത്തലും നിയമിക്കലും.
- സെന്ററിലേക്കാവശ്യമായ ഭക്ഷണ സാമഗ്രികള്‍ കണ്ടെത്തല്‍.
- കുട്ടികളെ ഡെ കെയര്‍ സെന്ററില്‍ എത്തിക്കുന്നതിനാവശ്യമായ വാഹന സൌകര്യം ഒരുക്കല്‍.
- എസ്.എസ്. എയുടെയും സാമൂഹ്യ ക്ഷേമ വകുപ്പിന്റെയും, ആരോഗ്യ വകുപ്പിന്റെയും സഹകരണത്തോടെ സെന്റര്‍ പ്രവര്‍ത്തനത്തിനാവശ്യമായ ഐ.ഇ.ഡി ആര്‍.ട്ടി മററു വളണ്ടിയര്‍മാര്‍ തുടങ്ങിയവരുടെ ലഭ്യത ഉറപ്പു വരുത്തല്‍.
സംഘാടനം
ഗ്രാമ പഞ്ചായത്ത് അധ്യക്ഷന്റെ നേതൃത്വത്തിലുള്ള സമിതിയാണ് സംഘാടനവും മോണിറ്ററിങ്ങും നിര്‍വഹിക്കുന്നത്. ഐ.സി.ഡി.എസ് സൂപ്പര്‍വൈസര്‍ / ഗ്രാമ പഞ്ചായത്ത് തീരുമാനിക്കുന്ന ഉദ്യോഗസ്ഥര്‍ ആണ് പദ്ധതിയുടെ നിര്‍വഹണം നടത്തുന്നത്. ഗ്രാമ പഞ്ചായത്ത് ക്ഷേമകാര്യ പ്രതിനിധി, ആരോഗ്യ വകുപ്പിന്റെ പ്രതിനിധിയായി പി.എച്ച്.സി മെഡിക്കല്‍ ഓഫീസര്‍, ഡെ കെയര്‍ സെന്ററില്‍ എത്തുന്ന കുട്ടികളുടെ രക്ഷിതാക്കളുടെ പ്രതിനിധി എന്നിവര്‍ അംഗങ്ങളായ സമിതിയാണ് സംഘാടനം നിര്‍വഹിക്കുന്നത്.
സംസ്ഥാനത്തെ ആദ്യത്തെ ഡെ കെയര്‍ സെന്റര്‍ എടയൂരില്‍ പ്രവര്‍ത്തനം ആരംഭിച്ചു. പഞ്ചായത്ത് സാമൂഹ്യ നീതി വകുപ്പ് മന്ത്രി ഡോ. എം.കെ മുനീര്‍ ഉദ്ഘാടനം ചെയ്ചു. ഇപ്പോള്‍ 14 പഞ്ചായത്തുകളില്‍ വിജയകരമായി പ്രവര്‍ത്തിക്കുന്ന ഡെ കെയര്‍ സെന്ററില്‍ വരുന്ന കുട്ടികള്‍ക്ക് അവരുടെ നിലവിലുള്ള അവസ്ഥയില്‍ നിന്നും അത്ഭുതകരമായ മാറ്റങ്ങള്‍ പ്രകടമായിട്ടുണ്ട്. തീരെ നടക്കാന്‍ കഴിയാത്ത കുട്ടികള്‍ നടക്കാനും, സംസാരിക്കാതിരുന്ന കുട്ടികള്‍ സംസാരിക്കാനും തുടങ്ങിയിട്ടുണ്ട്.
പദ്ധതിയുടെ രണ്ടാം ഘട്ടമായി ഡെ കെയര്‍ സെന്ററിലെ കുട്ടികള്‍ക്ക് ഉപകാരപ്പെടുന്ന രീതിയില്‍ അവരുടെ രക്ഷിതാക്കള്‍ക്ക് തൊഴില്‍ പരിശീലനം നല്‍കുകയുണ്ടായി. പഞ്ചായത്തുകളുടെ സഹായത്തോടെ തൊഴില്‍ യൂണിറ്റുകള്‍ സ്ഥാപിക്കുകയും ഒരോ രക്ഷിതാവിനും വരുമാന മാര്‍ഗ്ഗം ഉണ്ടാക്കുകയാണ് ഇതിന്റെ ലക്ഷ്യം.
പ്രതീക്ഷ ഡെ കെയര്‍ സെന്ററുകള്‍ പ്രവര്‍ത്തിക്കുന്ന പഞ്ചായത്തുകള്‍
- പാണ്ടിക്കാട്
- ചുങ്കത്തറ
- കാവനൂര്‍
- തുവ്വൂര്‍
- എടക്കര
- ആനക്കയം
- ഊരകം
- മാറാക്കര
- ഇരിമ്പിളിയം
- വാഴയൂര്‍
- എടയൂര്‍
- വെട്ടം
- പുലാമന്തോള്‍
ചെയര്‍മാന്‍
ഡോ. എന്‍.എം. മുജീബ് റഹമാന്‍
(സൂപ്രണ്ട്, എം.ഇ.എസ് മെഡിക്കല്‍ കോളേജ്, പെരിന്തല്‍മണ്ണ)
കണ്‍വീനര്‍
ശ്രീ. സലീം കുരുവമ്പലം
(മെംബര്‍, മലപ്പുറം ജില്ലാ പഞ്ചായത്ത്)
കോ-ഓര്‍ഡിനേറ്റര്‍
ശ്രീ. അബ്ദുല്‍ കരീം എ.പി
(സാമൂഹ്യ നീതി വകുപ്പ്)
ഫോണ്‍
കണ്‍വീനര്‍ 9447533786
കോ-ഓര്‍ഡിനേറ്റര്‍ 9037353735
Special Projects
- Vijayabheri
- Kidney Patients Welfare Society
- Thanalkoottu
- Pretheeksha
- Suraksha
- Pariraksha
- Vyavasaya Karshika Vanijya Vipanana Mela
- Information at Your Finger Tips
- Complete Solar Energy Conservation
- Snehakam
Your Complaints